【處女碟】被「三角戀男友」陳健朗勞役 陳凱詠新歌MV接受大挑戰

2019年多環球唱片打造了《Fabulous Four》，當日同日推出四組新人單位，包括樂隊Dusty Bottle、ONE PROMISE、Jace Chan(陳凱詠)及Oscar Tao(涂毓麟)，為樂壇注入新力量。陳凱詠醞釀3年，明天(14日)終於率先「跑出」推出首張個人專輯《Processing》，新唱片記錄了陳凱詠3年間音樂路上的演變。5月14日除了推出大碟外，同日還會發佈新歌《I Wish》。

Jace為了拍《I Wish》MV付出了120分努力，由傳聞中三角戀(陳健朗、陳凱詠、顧定軒)男主角之一陳健朗做導演，單係前期做了不少準備功夫，她表示：「今次陳健朗執導，有少少搞個大頭佛畀自己，因為新歌想表達出能夠輕鬆自在，做自己就是係最好，所以決定要踩roller，但自己唔識踩，距離拍攝得返兩星期，於是即刻買鞋同練習，2星期內練咗10次，好彩最後都勉強夠用。不過，平時練習踩roller會喺滾軸溜冰場，但拍MV時要去到馬路和爛地，地下凹凸不平，有幾次我都企唔穩跌倒！而且仲要顧及跳舞動作，非常大挑戰。」

同時，她更首度挑戰吊「威吔」，Jace頭向下倒吊半空，如是者做了10次，因全身被鋼索勒緊而且呈倒立姿勢，她開始感到呼吸困難而且頸痛：「起初以為吊『威吔』唔太難，但原來好考平衡，呢個喺一次難得嘅經驗。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。